საფრანგეთის პრეზიდენტი კალეში ე.წ. „ჯუნგლების ბანაკის“ დახურვის ინიციატივით გამოდის. ფრანსუა ოლანდი საპორტო ქალაქში მდებარე მიგრანტთა ბანაკს პირველად ეწვია. მისი თქმით, აუცილებელია ბანაკის დახურვა მეთოდურად მოხდეს და ბანაკში მცხოვრებთა უსაფრთხოება, ღირსება და უფლებები სათანადოდ იქნას დაცული. საფრანგეთის პრეზიდენტის განცხადებით, ბრიტანული მხარე ასევე ვალდებულია ჰუმანიტარული საკითხების გადაჭრაში მიიღოს მონაწილეობა, რადგანაც ბრექსიტი ლონდონს ამ ვალდებულებებისგან არ ათავისუფლებს.
