რესპუბლიკელთა საპრეზიდენტო კანდიდატი დემოკრატ კონკურენტთან დებატებში ჯენიფერ ფლაუერსის მიწვევით დაიმუქრა. ფლაუერსს ყოფილ პრეზიდენტ ბილ კლინტონთან წარსულში რომანტიკული ურთიერთობა აკავშირებდა. „ მზად ვარ დებატებში ფლაუერსიც მოვიწვიო და წინა რიგებში დავსვა,“-წერს დონალდ ტრამპი სოციალურ ქსელ „ტვიტერში.“ რესპუბლიკელი კანდიდატის მუქარას კლინტონის საარჩევნო შტაბი უკვე გამოეხმაურა. „ტრამპის განცხადებაში უჩვეულო არაფერია, რადგანაც ჰილარი კლინტონი დებატებზე იმ პრობლემებზე აპირებს საუბარს, რაც ადამიანების ცხოვრებაზე ახდენს გავლენას. მეუღლეების ერთგულებით თავად ტრამპიც ვერ დაიკვეხნის. მისი მეორე მეუღლე ტრამპის პირველი ქორწინებისას სხვა სტატუსით სარგებლობდა,“-ნათქვამია განცხადებაში.
