ბრიტანეთმა, საფრანგეთმა და შეერთებულმა შტატებმა სირიის საკითხთან დაკავშირებით გაეროს უშიშროების საბჭოს საგანგებო სხდომის მოწვევა მოითხოვეს. ამის მიზეზი ალეპოში განახლებული შეტაკებები გახდა. მანამდე გაეროს გენერალურმა მდივანმა განაცხადა, რომ ალეპოში კონფლიქტის საშინელი ესკალაციით შეძრულია. სირიის არმია ამბოხებულთა მიერ კონტროლირებად ქალაქ ალეპოს უკვე მე-3 დღეა ბომბავს. მხოლოდ ბოლო 24 საათის განმავლობაში საჰაერო დარტყმებს 45 ადამიანი ემსხვერპლა.
