ჩრდილოეთ კაროლინას ქალაქ შარლოტში კომენდანტის საათი ამოქმედდა. ამის მიზეზი მასობრივი არეულობები გახდა, რომელიც ქალაქში უკვე მესამე დღეა, გრძელდება. მასშტაბური საპროტესტო აქციები შარლოტში მას შემდეგ დაიწყო, რაც პოლიციელებმა ძარცვაში ეჭვმიტანილი 43 წლის აფროამერიკელი მოკლეს. შეტაკებების შედეგად ათობით ადამიანი დაშავდა. ერთი მათგანის მდგომარეობა ამ დრომდე კრიტიკულია.
