რუსეთი და აშშ სირიაში ცეცხლის შეწყვეტის რეჟიმის აღდგენაზე ვერ შეთანხმდნენ. ამის შესახებ ამერიკის სახელმწიფო მდივანმა რუს კოლეგასთან შეხვედრის დასრულების შემდეგ განაცხადა. „ჩვენ არ შეგვიძლია გამოვიდეთ და მთელ მსოფლიოს ვუთხრათ, რომ მოვილაპარაკეთ, როცა ეს ასე არ არის,“-აღნიშნა ჯონ ქერიმ. შეხვედრა ორი ქვეყნის პირველ დიპლომატებს შორის გაეროს გენერალური ასამბლეის ფარგლებში გაიმართა. გაეროს სპეციალური წარმომადგენლის, სტეფან დე მისტურას ინფორმაციით, ქერიმ სირიაში საჰაერო ოპერაციების შეწყვეტა მოითხოვა, ლავროვმა კი სირიის ოპოზიცია ზავის რეჟიმის ჩაშლაში დაადანაშაულა.
