”რესპუბლიკური პარტიის” ერთ-ერთი ლიდერის ლევან ბერძენიშვილის განცხადებით, ,,კვირიკაშვილის აზრი არ არის მნიშვნელოვანი არც გაეროში და არც საქართველოში“.
საქართველოს პრემიერ-მინისტრ გიორგი კვირიკაშვილის გაეროს გენერალურ ასამბლეაზე გამოსვლის შეფასებისას, მან ასევე განაცხადა, რომ ”ქართული ოცნების” 150 კაციანი სიიდან კვირიკაშვილს 10 კაცი ემორჩილება და 140 კაცს უკაცრავად და, ფეხებზე ჰკიდია”
”ადრე ჩვენი ხელისუფალი რომ გამოდიოდა იქ, ის იყო ჩვენი ხელისუფალი. ახლა იქ რომ კაცი გამოვიდა, ყველამ იცის, რომ იგი არის ფორმალურად პირველი პირი საქართველოში, მაგრამ 150 კაციან სიაში 10 კაცი ემორჩილება და 140 კაცს უკაცრავად და, ფეხებზე ჰკიდია. ამ კაცის ლაპარაკი იქ ცოტა გაუგებარია. კარგი კაცია შეიძლება, ბევრი კარგი რამის გაკეთება უნდა, მაგრამ რეალური ბერკეტები არ აქვს.. კვირიკაშვილის აზრი არ არის მნიშვნელოვანი არც გაეროში და არც საქართველოში”, - განაცხადა ბერძენიშვილმა.