უმრავლესობაში დადებითად აფასებენ საკონსტიტუციო სასამართლოს მოსამართლედ თემურ ტუღუშის დამტკიცებას. მმართველ პარტიაში იმედოვნებენ, რომ იგი ხელს შეუწყობს სხვა მოსამართლეებთან ერთად საკონსტიტუციო სასამართლოში არსებული ვითარების გაჯანსაღებას და ამ ინსტიტუტის დამოუკიდებლობას.
„მნიშვნელოვნად არის მდგომარეობა გაუმჯობესებული და სასამართლო სისტემა არის თავისუფალი, ასე რომ ეს არის მხოლოდ და მხოლოდ პოლიტიკური სპეკულაცია, დღეს მოსამართლე არის თავისუფალი და უნდა დაემორჩილოს მხოლოდ კანონს და კონსტიტუციას,“-აცხადებს ვიცე-სპიკერი მანანა კობახიძე.
თემურ ტუღუში, უზენაესი სასამართლოს პლენუმმა გუშინ ერთხმად დაამტკიცა. იგი სასამართლოს საქმიანობას თვის ბოლოდან შეურთდება.