ფილიპინების დედაქალაქ მანილას აეროპორტში საგანგებო სიტუაცია გამოცხადდა. ტელეკომპანია „ალ-არაბიას“ ინფორმაციით, საუდის არაბეთის ავიახაზების კუთვნილი თვითმფრინავის პილოტმა სადისპეტჩეროს შეტყობინება გაუგზავნა, რომ ავიალაინერის გატაცება იგეგმებოდა. ამჟამად თვითმფრინავი მანილას საერთაშორისო აეროპორტშია. მასში სამასამდე მგზავრი იმყოფება. ადგილზე მობილიზებულია პოლიცია და ადგილობრივი სპეცსამსახურები. ინციდენტის სხვა დეტალები ჯერჯერობით უცნობია.
