ლონდონი რუსეთში ჩატარებულ საპარლამენტო არჩევნებს აფასებს. საგანგებო განცხადება გვიან ღამით ბრიტანეთის საგარეო საქმეთა სამინისტრომ გააკეთა.
„ჩვენ სრულად ვეთანხმებით ეუთოს ანგარიშს, რომელშიც შეშფოთებაა გამოთქმული რუსეთში ადამიანის უფლებათა შელახვის და საარჩევნო პროცესში გამოვლენილი დარღვევების გამო. დემოკრატიისთვის თავისუფალი და დინამიური საზოგადოებაა საჭირო...ეუთოს დამკვირვებლები არ იმყოფებოდნენ ყირიმში, რომლის ოკუპაციაც მოახდინა რუსეთმა და ის დღემდე ოკუპაციის ქვეშ რჩება. ბრიტანეთი ყირიმში ჩატარებული არალეგიტიმური არჩევნების შედეგებს არ ცნობს,“-ნათქვამია „ფორინ ოფისის“ განცხადებაში.
