სირიაში ისლამისტთა კიდევ ერთი ლიდერი მოკლეს. „ისლამური სახელმწიფოს“ ე.წ. ინფორმაციის მინისტრი ვაილ ადილ სალმან ალ-ფუიადი, იგივე „დოქტორ ვაილი“ 7 სექტემბერს რაკაზე განხორციელებულ ავიადარტყმას ემსხვერპლა. ცოტა ხნის წინ ეს ინფორმაცია ოფიციალურად პენტაგონმაც დაადასტურა. ალ-ფუიადი „ისლამური სახელმწიფოს“ ერთ-ერთი მთავარი პროპაგანდისტი იყო. ის ძალადობისა და სიკვდილით დასჯის ამსახველ ვიდეოებს ამზადებდა და ინტერნეტით ავრცელებდა.
