იმ შემთხვევაში, თუ აშშ საპრეზიდენტო არჩევნებში დონალდ ტრამპი გაიმარჯვებს, კუბასთან დაწყებულ „განტვირთვის პოლიტიკას“ შესაძლოა საფრთხე შეექმნას. პრეზიდენტობის რესპუბლიკელი კანდიდატის განცხადებით, იმისათვის, რომ ვაშინგტონთან ურთიერთობა დაალაგოს, ჰავანამ პოლიტპატიმრები უნდა გაათავისუფლოს და რელიგიის თავისუფლება უნდა უზრუნველყოს. „პრეზიდენტად არჩევის შემთხვევაში კასტროს რეჟიმს სწორედ ამ პირობას დავუყენებ,“-აღნიშნა ტრამპმა მაიამიში ამომრჩევლებთან შეხვედრისას.
