ბელგიის ქალაქ ბრიუგეში ლუდსადენი ამოქმედდა. ლუდით სავსე ბოლო ცისტერნა „დე ჰალვე მაან“-ის ლუდსახარშიდან გუშინ გავიდა. ამიერიდან ბრიუგეს ცენტრი, რომელიც იუნესკოს მფარველობის ქვეშ იმყოფება, ლუდს მიწისქვეშა ლუდსადენით მიიღებს. ბრიუგეს მერის თქმით, ისტორიული ქალაქის ცენტრში კულტურული მემკვიდრეობის ძეგლებს სატვირთო მანქანები საფრთხეს აღარ შეუქმნის. ლუდსადენით საათში 4 ათასი ლიტრი სასმლის ტრანსპორტირება გახდება შესაძლებელი. პროექტი ქალაქს 4 მილიონი ევრო დაუჯდა.
