ერაყის არმიამ კოალიციური ძალების დახმარებით ისლამისტებისგან ქვეყნის ტერიტორიის 50 პროცენტი გაწმინდა. ამის შესახებ ამერიკის სახელმწიფო მდივნის მოადგილემ ენტონი ბლინკეტმა ბაღდადში ვიზიტისას განაცხადა. მისივე თქმით, გათავისუფლებულ რაიონებში მოსახლეობა თანდათანობით ბრუნდება და ცხოვრების ჩვეულ რიტმს უბრუნდება. ბლინკეტის განცხადებით, აშშ ერაყს ჰუმანიტარული დახმარების სახით 181 მილიონ დოლარს გამოუყოფს.
