უცხოელი რეპორტიორები ბანგლადეშის დედაქალაქში შემზარავი სანახაობის მოწმენი გახდნენ. დაკას ქუჩები წითელი წყლით აივსო. ყურმან-ბაირამის დღესასწაულს ბანგლადეშში ძლიერი წვიმა დაერთო, რის შედეგადაც დასახლებული რაიონი დაიტბორა. ადგილობრივმა მცხოვრებლებმა კი მუსლიმანურ დღესასწაულზე ცხოველების მსხვერპლშეწირვა პირდაპირ ქუჩებში მოაწყვეს. შედეგად, ათობით ათასი დაკლული ცხოველის სისხლი წყალს შეერია და ქალაქი წითლად შეიღება.
