შს მინისტრის განცხადებას, მოსალოდნელ დესტაბილიზაციასთან დაკავშირებით, ”ერთიან ნაციონალურ მოძრაობაში” ეხმაურებიან. ენმ-ის ვაკის მაჟორიტარობის კანდიდატი ელენე ხოშტარია აცხადებს, რომ „ხელისუფლება თავად არის დაკავებული ოპონენტების მიმართ პროვოკაციების მოწყობით.
„ხელისუფლება თავად არის დაკავებული ოპონენტების მიმართ პროვოკაციების მოწყობით, ძალადობით, დევნით და ამ პირობებში ეს განცხადება ცინიკურად ჟღერს. შს მინისტრი არის უმნიშვნელივანესი ინსტიტუტის ხელმძღვანელი და ამ ინსტიტუტის პოლიტიზირება არის სერიოზული პრობლემა ქვეყნის დემოკრატიული განვითარებისთვის, ამიტომ მის მიერ გაკეთებული განცხადება კიდევ უფრო საგანგაშოა. შსს უნდა ზრუნავდეს საგანგაშო კრიმინოგენულ ვითარებაზე და არა პოლიტიკური ოპონენტების დევნაზე“, - აღნიშნა ელენე ხოშტარიამ.
შინაგან საქმეთა მინისტრ გიორგი მღებრიშვილის განცხადებით, არის ინფორმაციები, რომ რიგი პარტიები აპირებენ არჩევნების პერიოდში და არჩევნების შემდგომაც გარკვეულ პროვოკაციებს. აღნიშნული ინფორმაციის დეტალებზე საუბრისგან მინისტრმა თავი შიკავა და აღნიშნა, რომ "შინაგან საქმეთა სამინისტროს გააჩნია ყველა ძალა და რესურსი, რომ ქვეყანაში დესტაბილიზაცია არ მოხდეს".