რუსთავის გზატკეცილზე წუხელ ავარია მოხდა, რის შედეგადაც ერთ-ერთ ავტომობილს ცეცხლი გაუჩნდა.
ადგილზე სასწრაფო-სამედიცინო დახმარების 4 მანქანის გამოძახება გახდა საჭირო. დაშავებულები თბილისის პირველ კლინიკურ და წმინდა მიხეილის სახელობის საავადმყოფოებში არიან გადაყვანილები.
ექიმების თქმით, დაზარალებულებს თავისა და გულმკერდის არეში მრავლობითი დაჯეჯილობები აღენიშნებათ, თუმცა მათ სიცოცხლეს საფრთხე არ ემუქრება.
თვითმხილველთა თქმით, "ფორდის" მარკის ავტომანქანის მძღოლმა საჭე ვერ დაიმორჩილა, საპირისპირო მხარეს გადავიდა და ამავე მარკის სამარშრუტო ტაქსს შეეჯახა. შედეგად მსუბუქ ავტომობილს ცეცხლი გაუჩნდა.