„ქართული ოცნების“ წევრის გია ვოლსკის განცხადებით, საკონსტიტუციო სასამართლოს ახალმა შემადგენლობამ უნდა დაანახოს ყველას, რომ არის დამოუკიდებელი და არ ექვემდებარე არც ერთი პოლიტიკური ჯგუფს.
საკონსტიტუციო სასამართლოს ორი ახალი მოსამართლის დანიშვნის შეფასებისას მან ჟურნალისტებტან ასევე განაცხადა, რომ გიორგი პაპუაშვილმა მიაღწია, პოლიტიკური სარჩული დაედო ყველაფრისთვის, თუმცა ვოლსკი იმედოვნებს, რომ ახალი მოსამართლეების პირობებეში ვითარება შეიცვლება.
„ახლა არაჯანსაღი სიტუაციაა შექმნილი, ბოლოს და ბოლოს მიაღწია პაპუაშვილმა მიზანს, გააპოლიტიკურა ყველაფერი, დროში გაჭიანურებული, თუ ჩვეულებრივი საქმეები. მე ვფიქრობ, რომ ახალმა საკონსტიტუციო სასამართლომ უნდა დაანახოს თავის თავი ყველას, როგორც დამოუკიდებელმა ორგანიზაციამ, რომელიც არ ექვემდებარება არც ერთ პოლიტიკურ ჯგუფს. ჩვენ ველოდებით, რომ ღირსეული ხალხი შეუდგება აქ მუშაობას და საკონსტიტუციო სასამართლოს საქმიანობა სამაგალითო იქნება იმ კანონის მიხედვით, რომელიც არა თუ ვენეციის კომისიის, ყველა საერთაშორისო დონეზე პოზიტიურად შეფასდა“,-აღნიშნა გია ვოლსკიმ.