საკონსტიტუციო სასამართლოს მოსამართლეებზე ხელისუფლების მხრიდან არანაირი ზეწოლა არ ყოფილა და ამ ზეწოლაზე მხოლოდ გიორგი პაპუაშვილი საუბრობდა, - ამის შესახებ ჟურნალისტებს პარტია "ქართული ოცნების" საარჩევნო შტაბის უფროსმა, კახი კალაძემ განუცხადა.
მისივე თქმით, ხელისუფლების მხრიდან ზეწოლა არც მოსამართლეებმა დაადასტურეს და დამტკიცდა, რომ გიორგი პაპუაშვილის მხრიდან ადგილი ქონდა პოლიტიკურ სპეკულაციებს.
"ხელისუფლების მხრიდან ზეწოლა არ დამტკიცდა, ამას ამბობდა მხოლოდ პაპუაშვილი. მოსამართლეების მხრიდან არანაირი განცხადებები, მინიშნებები არ ყოფილა თვალთვალთან, ზეწოლასთან დაკავშირებით",-აღნიშნა კახი კალაძემ.
საკონსტიტუციო სასამართლოზე კომენტირებისას, კალაძემ ისაუბრა პრეზიდენტის მიერ დანიშნულ ორ ახალ მოსამართლეზეც - ირინა იმერლიშვილსა და გიორგი კვერენჩხილაძეზე.
"მინდა, გულწრფელად ვუსურვო მათ წარმატებები ირინა იმერლიშვილი ჩვენი თანამებრძოლი იყო 2011 წლიდან და გულწრფელად ორივე მათგანს წარმატებებს ვუსურვებ",-აღნიშნა კალაძემ.
