„ნაციონალური მოძრაობის“ ზუგდიდის მუნიციპალიტეტის მაჟორიტარობის კანდიდატი სანდრა რულოვსი ჯიხაშკარში გუშინ მომხდარ ინციდენტს გამოეხმაურა და განაცხადა, რომ ეს არის ელემენტარული ზრდილობის ნაკლებობა.
”ხალხი ძალიან კონკრეტულ პროექტებს ელოდება ჩემგან. თუ რას ვპირდები და როგორ გადავწყვეტ ისეთ საჭიროებების პრობლემებს, როგორიც არის გაზი, წყალი. ეს ყველაფერი აქამდე უნდა ყოფილიყო, თუმცა გაჩერდა 2012 წელს. არა უშავს, ჩვენ ამას გავაგრძელებთ. რაც შეეხება პროვოკაციებს და შემოგზავნილ ადამიანებს, ეს ყველა არჩევნებზე ხდება ხოლმე, ეს არ მადარდებს, თუმცა ძალიან მიუღებელია. ეს არის ელემენტარული ზრდილობის ნაკლებობა სამწუხაროდ. „ქართულ ოცნებას“, „პატრიოტთა ალიანსსაც“ და ყველა პარტიას უნდა ჰქოდეს შანსი, რომ თავისი პროგრამა, თავისი გეგმები გააცნოს ადამიანს მშვიდ გარემოში,“ - განაცხადა სანდრა რულოვსმა.
სოფელ ჯიხაშკარში ახალგაზრდების ჯგუფმა მოსახლეობასთან სანდრა რულოვსის შეხვედრის ჩაშლა სცადეს, რასაც სიტყვიერი დაპირისპირება მოჰყვა. ინციდენტი გუშინ მოხდა.