ჩვენი ამოცანაა წყნარად, მშვიდად მივიდეთ არჩევნებამდე და არჩევნების გზით უარი ვუთხრათ უნიათო ხელისუფლებას, - ამის შესახებ „ნაციონალური მოძრაობის“ ერთ-ერთმა ლიდერმა დავით ბაქრაძემ „ქართული ოცნების“ წევრი თამარ ჩუგოშვილის მიერ გუშინ გაკეთებული განცხადების კომენტირებისას აღნიშნა, რომლის თანახმადაც, ენმ პროვოკაციების მოწყობას გეგმავს.
„ჩვენი პასუხი ამ ისტერიკაზე, რომელიც ახლა ხელისუფლებას სჭირს, იქნება ძალიან მარტივი. ჩვენი ამოცანაა, ძალიან მშვიდად, წყნარად, ორგანიზებულად მივიდეთ არჩევნებამდე და ყველამ ერთად მშვიდად, წყნარად უარი ვუთხრათ ამ ხელისუფლებას, რომელსაც დღეს სხვა გზა და რესურსი არ დარჩა, გარდა პანიკის, ისტერიკის, ოპოზიციაზე შეტევის და ძალადობის. ამიტომ ჩვენი ამოცანა ჩვენს ხალხთან, ჩვენს ამომრჩეველთან ერთად იქნება ამის საპირისპირო - წყნარად, მშვიდად მივიდეთ არჩევნებამდე და არჩევნების გზით უარი ვუთხრათ უნიათო ხელისუფლებას, რომელიც დღეს დაპირისპირების მეტს ვერაფერს სთავაზობს ჩვენს ხალხს“, - განაცხადა დავით ბაქრაძემ.