პაკისტანში 2 თვის წინ გარდაცვლილი ბრიტანეთის მოქალაქის, სამია შაჰიდის ბიძა პოლიციამ ე.წ. „ღირსების მკვლელობის“ ბრალდებით დააპატიმრა. ხაკ ნავაზი საკუთარი ძმიშვილის მკვლელობის დამალვას აპირებდა და პოლიციის უფროსს მტკიცებულებების გასაყალბებლად სავარაუდოდ ფულიც გადაუხადა.
28 წლის სამია შაჰიდი ივლისში პანჯაპის შტატში სტუმრობისას გარდაიცვალა. ოჯახის წევრები ირწმუნებოდნენ, რომ გოგონა გულის შეტევით დაიღუპა, თუმცა გამოძიების ვერსიას სამიას ბრიტანელი ქმარი არ დაეთანხმა. ის ამტკიცებდა, რომ ახალგაზრდა ქალი ნათესავებმა მეორედ გათხოვების გამო მოკლეს.
სხეულის გაკვეთამ დაადასტურა, რომ გოგონა გაგუდული იყო. მკვლელობაში სამიი შაჰიდის მამა და პირველი ქმარიც არიან ეჭვმიტანილები.
