უზბეკეთის მთავრობამ პრეზიდენტის გარდაცვალების ფაქტი დაადასტურა. ოფიციალური ინფორმაცია ტაშკენტმა ადგილობრივი დროით 21.55-ზე გაავრცელა. მამის გარდაცვალება დაადასტურა ისლამ კარიმოვის ქალიშვილმა ლოლა კარიმოვა-ტილიაევამაც. უზბეკეთის პრეზიდენტს დღეს მის მშობლიურ ქალაქ სამარყანდში დაკრძალავენ, პრეზიდენტის მოვალეობას კი პარლამენტის თავმჯდომარე ნიგამტულა იულდაშევი გადაიბარებს.
