თურქმა სამხედროებმა ქურთ დემონსტრანტებს ცეცხლი გაუხსნეს. ამის შესახებ სააგენტო „ფირატი“ იტყობინება. ინციდენტი სირიის ჩრდილოეთით, ქალაქ კობანში მოხდა, სადაც ადგილობრივმა ქურთებმა სასაზღვრო ბარიერის მშენებლობა გააპროტესტეს. სამხედროებმა კი მათ წინააღმდეგ ჯერ ცრემლსადენი გაზი გამოიყენეს, შემდეგ კი მანიფესტანტებს ცეცხლი გაუხსნეს. შედეგად 17 წლია ახალგაზრდა დაიღუპა, 80-მდე დემონსტრანტი კი დაშავდა.
