უზბეკეთის პრეზიდენტი 79 წლის ასაკში გარდაიცვალა. ამის შესახებ სააგენტო როიტერი დიპლომატიურ წყაროებზე დაყრდნობით იტყობინება.
ისლამ კარიმოვის გარდაცვალების შესახებ ინფორმაცია ჯერ კიდევ 29 აგვისტოს გავრცელდა, თუმცა უზბეკეთის მთავრობა პრეზიდენტის სიკვდილს არ ადასტურებდა და აცხადებდა, რომ კარიმოვის მდგომარეობა კრიტიკული იყო.
27 აგვისტოს უზბეკეთის პრეზიდენტმა ინსულტი გადაიტანა, რის გამოც მისი ჰოსპიტალიზაცია გახდა საჭირო.
