ბესლანის აქციის მონაწილეები გაასამართლეს. ემა ბეტროზოვას და ჟანა ცირიხოვას სასამართლომ ჯარიმის სახით 20 ათასი რუბლის გადახდა დააკისრა, აქციის კიდევ 3 მონაწილეს, სვეტლანა მარგიევას, ელა კესაევას და ემილია ბრაზოვას კი 20 საათიანი საზოგადოებრივი სამუშაოს შესრულება მიესაჯათ.
ბესლანის ტრაგედიის მე-12 წლისთავი ჩრდილოეთ ოსეთში ხმაურიანი აქციით აღინიშნა. რამდენიმე აქტივისტი პოლიციამ ძალის გამოყენებით დააკავა.
