სამარყანდის ქუჩების დასასუფთავებლად უზბეკეთის მთავრობამ სპეციალური ჯგუფები გამოყო. ქალაქის რამდენიმე ქუჩა გადაკეტილია და დაჩქარებული ტემპით იწმინდება.
გავრცელებული ინფორმაციით, პრეზიდენტის მშობლიურ ქალაქში საგანგებო ვიზიტით უზბეკეთის პრემიერ-მინისტრიც ჩავიდა, რაც სავარაუდოდ ისლამ კარიმოვის გარდაცვალებას უკავშირდება.
ინფორმაცია უზბეკეთის პრეზიდენტის გარდაცვალების შესახებ 3 დღის წინ გავრცელდა, რასაც ოფიციალური ტაშკენტი არ ადასტურებს და აცხადებს, რომ პრეზიდენტი სტაციონალურ მკურნალობას გადის.
