,,ქართული ოცნება“ ერთადერთი პარტიაა, რომელსაც შეუძლია სახელმწიფოებრივად აზროვნება და ერთადერთი კაცი გიორგი კვირიკაშვილია, რომელსაც ხელეწიფება სახელმწიფო დონეზე აზროვნება“, - ამის შესახებ ბიძინა ივანიშვილმა GDS-ის გადაცემა „შეხვედრები რეგიონულ მედიასთან“ განაცხადა.
,,ბოლო 25-30 წელიწადი ძალიან ცოტაა იმისათვის, რომ სახელმწიფოს მართვა ისწავლო და თანაც შეფასებაც კარგად იცოდე. ჩვენს მოსახლეობას აქვს პრობლემები შეფასებაში და ჩემი სურვილი და აზრი იმისა, რომ ყველა რეგიონში ჩავიდე, სწორედ ეს გახლავთ, რომ ვისაც ჩემი ჯერა, მას დავეხმარო ანალიზში. ანალიზშივე გამოიკვეთება, რატომ უნდა შევიდეს ,,ქართული ოცნებიდან“ 100 დეპუტატი საქართველოს პარლამენტში. ეს ერთადერთი პარტიაა, რომელსაც შეუძლია სახელმწიფოებრივად აზროვნება და ერთადერთი კაცი გიორგი კვირიკაშვილია, რომელსაც ხელეწიფება სახელმწიფო დონეზე აზროვნება”, - განაცხადა ივანიშვილმა.
ყოფილი პრემიერ-მინისტრი ბიძინა ივანიშვილი ტელეკომპანია GDS-ის ეთერში დღეიდან ახალი გადაცემის რეგულარული სტუმარი იქნება. ახალი სატელევიზიო პროექტის ფარგლებში, ივანიშვილი რეგიონულ მედიას შეხვდება. გადაცემა ეთერში ყოველ ორშაბათსა და ხუთშაბათს, 12:00 საათზე გავა.
