ბაქოში, აზერბაიჯანის, რუსეთისა და ირანის პრეზიდენტების შეხვედრა გაიმართა. რუსეთის პრეზიდენტ ვლადიმირ პუტინის განცხადებით, ის კასპიის რეგიონში ახალ ენერგეტიკულ და სატრანსპორტო პროექტებზე ესაუბრება აზერბაიჯანელ და ირანელ კოლეგებს.
პუტინი 8 აგვისტოს, ცალ-ცალკე შეხვდა აზერბაიჯანის პრეზიდენტ ილჰამ ალიევს და ირანის პრეზიდენტ ჰასან როჰანის ერთობლივი შეხვედრის დაწყებამდე. ,,რადიო თავისუფლების“ ინფორმაციით, მოსალოდნელია, რომ მოლაპარაკებები გაააქტიურებს ახალი სატრანსპორტო დერეფნის შექმნის პროექტს. ცნობების თანახმად, იმედოვნებენ, რომ აზერბაიჯანსა და ირანზე გამავალი მარშრუტი ხელს შეუწყობს ვაჭრობას ტვირთების გადატანის მნიშვნელოვნად გაიაფების შედეგად.
