საპარლამენტო უმრავლესობის წევრის ეკა ბესელიას განცხადებით „რუსთავი2“-ის საქმის განმხილველი მოსამართლე მაია კოპალეიშვილი, ტელეკომპანიის გენერალური დირექტორის ნიკა გვარამიას შვილის ნათლია, რაც მიუთითებს იმაზე, რომ ამ საქმის განხილვისას, ის ვერ იქნება ობიექტური.
ბესელიას განცხადებით, ეს ფაქტი მოსამართლის თვითაცილების საფუძველი უნდა გამხდარიყო. „როდესაც იკვეთება სამსახურებრივი პირადი კონტაქტები, საუბარია ოჯახურ, ახლო ურთიერთობებზე და ნათესაურ კავშირებზე, მოსამართლეებს აქვთ მაღალი ვალდებულება, ეჭვისა და ასეთი გარემოებების არსებობის შემთხვევაში, რომ არ დააყენონ სასამართლო გადაწყვეტილების უტყუარობა და მოსამართლის დამოუკიდებლობა, თავად მისცენ აცილება თავს. აქ იკვეთება, როგორც საქმის განაწილების დროს სასამართლოს თავმჯდომარის ინტერესი და მეორე მხრივ იმ მომხსენებელი მოსამართლეების ინტერესი, რომლებიც არ იცილებენ საქმეებს, სადაც პირდაპირ კავშირი აქვთ საქმეში მონაწილე პირებთან“,-განაცხადა ბესელიამ.
