საქართველოს თავდაცვის მინისტრს, ლევან იზორიას ჯერ არ მიუღია გადაწყვეტილება, გადაიხდება თუ არა ყოფილი მინისტრის, თინა ხიდაშელის გადაწყვეტილება სამხედრო შენაერთებში სავალდებულო გაწვევის შეჩერების შესახებ.
„მქონდა გენშტაბის ხელმძღვანელთან შეხვედრა და ერთ-ერთი საკითხი იყო სწორედ ეს. არის საკმაოდ რაციონალური არგუმენტები გადაწყვეტილებაში, რომელიც წინამორბედმა მინისტრმა მიიღო, თუმცა მინდა კონტრარგუმენტებიც მოვისმინო“,-აღნიშნა იზორიამ ჟურნალისტებთან საუბრისას და დასძინა - „აქედან გამომდინარე, არსად არ ვჩქარობთ, ყველაფერს ავწონ-დავწონით“.
როგორც მინისტრმა აღნიშნა, უწყებაში არ მისულა წინასწარი განზარახვით, რომ რაღაც აუცილებლად უნდა გაუქმდეს
„ამისთვის არ მოვსულვართ, ბუნებრივია, უწყებაში. რაც რაციონალურია, დასაბუთებულია, ძალაში დარჩება. თუ არსებობს რამე უფრო დასაბუთებული კონტრარგუმენტი, საზოგადოება გაიგებს ამის შესახებ და ადეკვატური იქნება გადაწყვეტილებაც“,-აღნიშნა თავდაცვის მინისტრმა.
