ბარაკ ობამა სირიის კონფლიქტის დარეგულირების საკითხში ვლადიმერ პუტინს არ ენდობა. აშშ-ის პრეზიდენტის თქმით, რუსეთი პირდაპირ მონაწილეობას იღებს სირიაში მიმდინარე სამოქალაქო ომში და მხარს უჭერს ბაშარ ალ-ასადის ჯარებს, რომლებიც მშვიდობიან მოსახლეობას თავს ესხმიან.
აშშ-ის პრეზიდენტი მიიჩნევს, რომ აზრთა სხვადასხვაობის მიუხედავად, სამოქალაქო პირების უსაფრთხოების დაცვისა და პოლიტიკური მოლაპარაკებების დაწყების მიზნით, რუსეთთან ურთიერთანამშრომლობის გაგრძელება ღირს. თუმცა, თუ მოსკოვი მომავალშიც ასევე გააგრძელებს, ის “მსოფლიო სცენაზე უპასუხისმგებლო მსახიობს” დაემსგავსება, რომელიც სისხლიან რეჟიმს უჭერს მხარს.
ბარაქ ობამამ ასევე განაცხადა, რომ დაჯგუფება „ისლამური სახელმწიფო“ დასუსტდა, მაგრამ მიუხედავად ამისა, კვლავ სერიოზულ საფრთხეს წარმოადგენს.
