რუსეთის პრემიერ-მინისტრის გადადგომის მოთხოვნით პეტიციაზე ხელმომწერთა რაოდენობა სწრაფად იზრდება. ადგილობრივი მედიის ინფორმაციით, პეტიცია გუშინ გამოქვეყნდა და მასზე უკვე 140 ათასმა ადამიანმა მოაწერა ხელი.
რუსეთის მოქალაქეების უკმაყოფილება მედვედევის იმ განცხადებამ გამოიწვია, რომლის თანახმად ხელფასით უკმაყოფილო პედაგოგებს შეუძლიათ, პროფესია შეცვალონ და ბიზნესით დაკავდნენ.
კრემლში პეტიციაზე რეაგირების საჭიროებას ჯერჯერობით ვერ ხედავენ. აღნიშნულის შესახებ რუსეთის პრეზიდენტის, ვლადიმერ პუტინის პრესმდივანმა დიმიტრი პესკოვმა გუშინ განაცხადა.
