"ერთიანი ნაციონალური მოძრაობის" წევრის ირმა ნადირაშვილის მმართველი გუნდის განცხადებებს ეხმაურება, რომლის თანახმადაც, ენმ კონსტიტუციურ რევოლუციას გეგმავს. ნადირაშვილის განცხადებით, პარტია არანაირ რევოლუციას არ გეგმავს და აპირებს ყოველგვარი რევოლუციის გარეშე დაამარცხოს მმართველი გუნდი.
"ხელისუფლებამ მოახერხა ერთადერთი ქმედითი ინსტიტუტი, საკონსტიტუციო სასამართლო გაეხადა სრულიად უფუნქციოდ, ამითი დიდი დარტყმა მიაყენეს ქვეყანაში დემოკრატიას. ახლა სურთ სიტუაციიდან გამოძრომა და ისრების გადატანა, საუბრობენ გაუგებარ რევოლუციაზე. მე მინდა ისინი დავამშვიდო, ჩვენ "ქართულ ოცნებას" დავამთავრებთ 8 ოქტომბერს ყოველგვარი რევოლუციის გარეშე, ლეგიტიმური არჩევნების გზით და დავიწყებთ საქმის კეთებას,"- განაცხადა ირმა ნადირაშვილმა.
