მიმდინარე თვის ბოლოს, აშშ-ს სახელმწიფო მდივანი, ჯონ კერი თურქეთში ჩავა. ამის შესახებ ინფორმაციას თურქული მედია ავრცელებს.
გავრცელებული ინფორმაციით, ჯონ კერისთან შეხვედრების დროს თურქეთის ლიდერები გეგმავენ, სამხედრო გადატრიალების მცდელობის შედეგები განიხილონ და არეულობის ორგანიზებაში ბრალდებული ფეთჰულაჰ გიულენის ექსტრადირება მოითხოვონ.
თურქეთის შს მინისტრის განცხადებით, სამხედრო გადატრიალების მცდელობის შემდეგ თურქეთის ხელისუფლებამ 75 ათასამდე ადამიანს პასპორტები გაუუქმა. გამოძიების მსვლელობისას დააკავეს 26 ათასამდე ადამიანი, მათ შორის 13 ათასზე მეტი ამ დრომდე პატიმრობაში რჩება.
