საკონსტიტუციო საასმართლოს პირველი კოლეგიის მოსამართლე ქეთევან ერემაძე მიიჩნევს, რომ პრინციპულად მიუღებელია, როდესაც პოლიტიკოები თავგამოდებით და უაპელაციოდ ესხმიან თავს მოსამართლეებს და აყენებენ თავის მართლების რეჟიმში.
„პრინციპულად არასწორი მგონია, როდესაც პოლიტიკოსები ასე უაპელაციოდ და თავგამოდებით ესხმიან თავს მოსამართლეებს და აიძულებენ მათ, თავი ჩაიყენონ თავის მართლების რეჟიმში. ჩვენ ამ საკითხთან დაკავშირებით, რა თქმა უნდა, გვექნება შეხვედრა, გავივლით მოსამართლეები ერთმანეთთან კონსტულტაციას, განვიხილავთ ყველა საკითხს თუ კიდევ დარჩა კითხვის ნიშნები. კონკრეტულმა მოსამართლეებმა გავავრცელეთ ინფორმაცია ამასთან დაკავშირებით, ჩვენ რატომღაც გვეგონა, რომ ეს იქნებოდა საკმარისი, როგორც ჩანს, კითხვები დაინტერესებულ პირებს ჯერ კიდევ აქვთ, ამიტომ შევეცდებით ყველა საკითხი დეტალურად გავიაროთ“,-განაცხადა ერემაძემ.
