ანტალიაში აფეთქების შედეგად, სულ მცირე ორი ადამიანი დაშავდა. ამის შესახებ ადგილობრივი მედია პოლიციაზე დაყრდნობით იტყობინება.
სამართალდამცველების ცნობით, რესპუბლიკის მოედანზე, რომლის სიახლოვესაც თურქეთის პრეზიდენტის, რეჯეფ თაიფ ერდოღანის მხარდამჭერი აქცია მიმდინარეობდა, ასაფეთქებელი მოწყობილობა ამოქმედდა.
პოლიციის ინფორმაციით, მომხდართან დაკავშირებით მიმდინარეობს გამოძიება.
