ტრისტან წითელაშვილის მიმართ გამოთქმულ ბრალდებებს ,,ნაციონალური მოძრაობის“ წევრი სერგი კაპანაძე ეხმაურება და აცხადებს რომ საქმე ეხება ქვეყნის ღალატს.
„გამოძიება უნდა ჩატარდეს, უნდა იქნას დადგენილი ვინ არის ამაზე პასუხისმგებელი და შესაბამისი პირები უნდა იქნენ დასჯილი. იმიტომ, რომ საუბარი გვაქვს ძალიან მძიმე ფაქტზე, ქვეყნის ღალატზე და არ შეიძლება, რომ ეს იყოს რეაგირების გარეშე დატოვებული. მე მინდა კიდევ ერთხელ გაგახსენოთ, რომ ბატონი წითელაშვილი არის მსჯავრდებული ქვეყნის ღალატისთვის თავის დროზე და მერე გათავისუფლებული იყო ამნისტიის შედეგად,“-განაცხადა სერგი კაპანაძემ.
შეგახსენებთ, რომ გიგი კალანდაძის მიერ გავრცელებული ინფორმაციით, გოდერძი ორმოცაძის სამსახურეობრივი საშვით ხვდებოდა ტრისტან წითელაშვილი საიდუმლო ობიექტებზე და აწარმოებდა გადაღებას, მასალები კი უცხო ქვეყნის სპეცსამასახურების ხელში ხვდებოდა.
