საკონსტიტუციო სასამართლოში გიგი უგულავასა და კაბელების საქმის შესაძლო გადადებასთან დაკავშირებით, ადვოკატები კომენტარს აკეთებენ. ადვოკატები აცხადებენ, რომ სხდომის გადადება საკონსტიტუციო სასამართლოს ფუნქციონირებას დააზარალებს.
"წარმოუდგენელია, რომ საკონსტიტუციო სასამართლოში მოსამართლები პროტესტის ნიშნად პროცესზე არ შემოვიდნენ. მათი ვალია, რომ კონსტიტუციური მართლმსაჯულების განხორციელებას ქვეყანაში საფრთხე არ შეექმნას,“- განაცხადა ადვოკატმა ლევან სამუშიამ.
გიგი უგულავასა და კაბელების საქმეზე საკონსტიტუციო სასამართლოში სხდომა პლენუმის შემადგენლობის კვორუმის არარასებობის გამო გადაიდო. ამის შესახებ სასამართლოს პრესსამსახურმა განცხადება გაავრცელა.
განცხადებაში აღნიშნულია, რომ მხარეებს სარჩელების განხილვის თარიღის თაობაზე დამატებით ეცნობებათ.
