ლევან იზორიას თავდაცვის მინისტრად დანიშვნას უარყოფითად აფასებს ოპოზიცია. მათთვის განსაკუთრებით მიუღებელია სამოქალაქო ფიგურის ნაცვლად, სახელმწიფო უსაფრთხოების სამსახურის კადრის შერჩევა. "ნაციონალური მოძრაობის" ერთ-ერთ ლიდერის, გიგა ბოკერიას განცხადებით, ცვლილება უმნიშვნელოა, რადგან მისი თქმით, ქვეყნისთვის ეს არაფერს ნიშნავს, როდესაც "ივანიშვილის რეჟიმის სხვადასხვა მარიონეტი ერთმანეთს ენაცვლება" .
„ჩვენი ქვეყნისთვის ეს არაფერს ნიშნავს, როდესაც ივანიშვილის რეჟიმის სხვადასხვა მარიონეტი ერთმანეთს ენაცვლება სადმე. ეს გადანაცვლება მხოლოდ ცუდის მანიშნებელია სამწუხაროდ, იმიტომ, რომ დამოკიდებულებას ავლენს მაგალითად, ისეთი მნიშვნელოვანი ადგილის მიმართ, როგორც არის თავდაცვის სამინისტრო,“- განაცხადა "ნაციონალური მოძრაობის" ერთ-ერთმა ლიდერმა გიგა ბოკერიამ.
