სირიის პროვინცია იდლიბში რუსეთის სამხედრო ვერტმფრენი MI-8 ჩამოაგდეს. ინფორმაციას რუსეთის თავდაცვის სამინისტრო ადასტურებს.
უწყების ინფორმაციით, ვერტმფრენი ავიაბაზა ხმეიმინში დაბრუნებისას ხმელეთიდან გახსნილი ცეცხლით ჩამოგდეს.
სამინისტრო ასევე იტყობინება, რომ ვერტმფრენმა ალეპოში ჰუმანიტარული ტვირთი ჩაიტანა.
„ვერტმფრენის ბორტზე ეკიპაჟის სამი წევრი და 2 რუსი სამხედრო ოფიციერი იმყოფებოდა“, - იტყობინება რუსეთის თავადაცვის სამინისტრო.
ვერტმფრენის ბორტზე მყოფთა ბედის შესახებ ამ დროისთვის სამინისტროს დადასტურებული ინფორმაცია არ გააჩნია.
