თურქეთში დააკევეს სპეცრაზმელთა ჯგუფი, რომლებიც სამხედრო გადატრიალების მცდელობაში მონაწილეობის მიღებაში არიან ეჭვმიტანილი. არსებული ინფორმაციით, გადატრიალების დროს აღნიშნულ ჯგუფს თურქეთის პრეზიდენტის რეჯეფ თაიფ ერდოღანის დაკავება ევალებოდა.
,,ბიბისის“ ინფორმაციით, სამხედროების ჯგუფი თურქეთის ქალაქ მარმარისთან, ტყეში იპოვეს, რის შემდეგაც ჩატარდა მათი დაკავების სპეცოპერაცია.
მათ დაკავებამდე თურქულ მედიაში გავრცელდა კადრები, სადაც ჩანს პრეზიდენტ ერდოთღანის დაბომბილი დასასვენებელი ვილა.
ადგილობრივი სააგენტო „ანადოლუს“ ცნობით, შაბათ-კვირას თურქეთში დააკავეს 11 სამხედრო, მათ შორის მაიორი სუქრუ სეიმენი, რომელიც გადატრიალების ერთ-ერთ ორგანიზატორად მიიჩნევა.
