თურქეთის პრეზიდენტმა ყველა სამხედრო აკადემიების დახურვის გადაწყვეტილება მიიღო. რეჯეფ თაიფ ერდოღანმა განაცხადა, რომ სამხედრო აკადემიების დახურვის შემდეგ, ეროვნული სამხედრო უნივერსიტეტების გახსნას გეგმავს.
პრეზიდენტის თქმით, ეს შეიარაღებული ძალების სტრუქტურული რეფორმების ნაწილია, რომელიც ხელისუფლებამ ქვეყანაში სამხედრო გადატრიალების მცდელობის შემდეგ მიიღო.
გარდა ამისა, თურქეთის პრეზიდენტმა განაცხადა, რომ სამხედრო შენაერთების მეთაურები და პოლკოვნიკები თავდაცვის მინისტრს დაექვემდებარებიან. ამ დროისთვის შეიარაღებული ძალების ოპერატიული ხელმძღვანელობის უმაღლესი ორგანო გენერალური შტაბია.
ერდოღანის განმარტებით, თავად შეიარაღებული ძალების მეთაური და დაზვერვის ეროვნული სამსახურის უფროსი უშუალოდ ქვეყნის პრეზიდენტს დაემორჩილებიან.
ერდოღანის თქმით, საკანონმდებლო ცვლილების ეს მცირე პაკეტი განსახილველად პარლამენტს წარედგინება.
