სტამბულის სასამართლომ ფათჰულჰ გიუნელთან კავშირის ბრალდებით 17 ჟურნალისტის დაკავების ორდერი გასცა.
„სულ 21 ჟურნალისტის საქმე ისმინებოდა, რომელთაგან 4 გათავისუფლდა, ხოლო 17-ზე დაკავების ორდერი გაიცა“, - იუწყება თურქეთის სახელმწიფო სააგენტო Anadolu Agency.
სააგენტოს ინფორმაციით, ზოგიერთი ჟურნალისტი სასამართლო დარბაზში დააკავეს. დაკავებულებს შორის არის ცნობილი ჟურნალისტი ნაზლი ილიჯაკი.
„გათავისუფლებულებს შორისაა კომენტატორი ბიულენტ მუმაი, Hurriyet Daily News-ის რეპორტიორი არდა აკინი, რომელიც სასამართლო კონტროლის პირობით გათავისუფლდა“, - იუწყება სააგენტო.
უნდა აღინიშნოს, რომ 11 ჟურნალისტმა , რომელზედაც გაიცა დაკავების ორდერი, საზღვარგარეთ გაიქცება მოახერხა, კიდევ 9 ჟურნალისტი ძებნაში იმყოფება.
რამდენიმე დღის წინ სასამართლომ 47 ჟურნალისტის დაკავების ორდერი გასცა.
