სენატორი ბერნი სანდერსი, რომელიც აშშ-ის დემოკრატიული პარტიის პრაიმერიზში დამარცხდა, მოუწოდებთ მის მოხრეებს საპრეზიდენტო არჩევნებში მხარი ჰილარი კლინტონს დაუჭირონ.
სანდერსის გამოსვლამ დემოკრატიული პარტიის ყრილობაზე სამწუთიანი ოვაცია დაიმსახურა, - წერს აშშ-ის მედია.
„ჰოლარი კლინტონი უნდა გახდეს აშშ-ის შემდგომი პრეზიდენტი. არავითარი ალტერნატივა აქ არ არსებობს“, - განაცხადა სენატრორმა.
მისი თქმით, კლინტონს კარგად ესმის ქვეყნის პრობლემები და ამომრჩეველს სთავზობს ეკონომიკურ და სოციალურ უთანასწორობასთან ბრძოლის რეალურ გეგმას. ის უმთავრესად, სწორედ ამით განსხვავდება რესპუბლიკელ კანდიდატ დონალდ ტრამპისგან.
უნდა აღინიშნოს, რომ სანდერსის მიერ კლინტონის მხარდაჭერა ყველა მის მომხრეს არ მოეწონა.
სანდერსმა ყრილობამდე გაუგზავნა წერილები მის მომხრეებს და მიმართა თხოვნით, არ გაეპროტესტებინათ ყრილობაზე ჰილარი კლინტონის მხარდაჭერა.
კლინტონის მხარდაჭერისკენ მოუწოდა მომხრეებს პირველმა ლედიმ მიშელ ობამამ.
თუმცა თავად ყრილობა სკანდალის ფონზე გაიხსნა. პარტიის საორგანიზაციო კომიტეტის თავმჯდომარეს დები ვესერმან-შულცს, კომიტეტის წევრების მიმოწერის ინტერნეტში გაჟონვის გამო, გადადგომამ მოუწია.
შეგახსნებთ, რომ WikiLeaks-მა გამოქვეყნა ელექტრონული წერილები, საიდანაც ჩანს რომ კომიტეტის წევრები ხელს უშლიდნენ სანდერსს გამარჯვებაში.
კლიტონის საარჩევნო შტაბში აცხადებენ, რომ ეს რუსეთის სპეცსამსახურების ნახელავია, რომლებიც დონალდ ტრამპს უჭერენ მხარს.
საქმის გამოძიებას ფედერალური სადაზვერვო სამსახური აწარმოებს.
ფოტო: AFP
