თავისუფალი დემოკრატების’’ ლიდერი ირაკლი ალასანია პრეზიდენტის დღევანდელ განცხადებას ეხმაურება და აცხადებს რომ ძალიან სწრაფი რეფორმაა სისტემაში გასატარებელი.
”პრეზიდენტის მიერ გაჟღერებულ საქმეზე იმედი მაქვს მთავრობა რეაგირებას გააკეთებს, შეისწავლის და ამ საკითხს საზოგადოებას ნათლად წარუდგენს. მაგრამ არ შემიძლია არ გავიხსენო თავდაცვის სამინისტროს ხუთი უდანაშაულო ადამიანი, რომლებიც პოლიტიკური მითითებით პროკურატურამ და სასამართლომ ერთობლივად ციხეში ჩასვეს. დიდი იმედი მაქვს, ძალიან მალე მათ გამოვიხსნით და საკუთარ ოჯახებს დავუბრუნებთ. პროკურატურა და სასამართლო დღეს იმართება მურუსიძის და შოთაძის მიერ, რომლებიც ადეიშვილის, სააკშვილის დროინდელი რეჟიმის სამსახურში იყვნენ. ეს კიდევ ერთხელ მეტყველებს, რომ ძალიან სწრაფი რეფორმაა ამ სისტემაში გასატარებელი. ”თავისუფალ დემოკრატებს” ზუსტად გვაქვს წარმოდგენილი როგორ უნდა მოხდეს სასამართლოს, პოროკურატურის და სამართალდამცავი სტრუქტურების სრული გათავისუფლება და დეპოლიტიზაცია”, - განაცხადა ირაკლი ალასანიამ.
