თურქეთის ავიაკომპანია Turkish Airlines-მა ფეთჰულა გიულენთან კავშირში ეჭვმიტანილი 211 თანამშრომელი სამსახურიდან დაითხოვა, „ბიბისის“ ინფორმაციით, კომპანიის განცხადებაში ნათქვამია, რომ კონტრაქტის გაწყვეტის მიზეზი გახდა „ოპერატიული საჭიროება, მუშაობის არაეფექტურობა და კავშირები გიულენის მოძრაობასთან“.
ზოგიერთი მედიასაშუალება იტყობინება, რომ დათხოვნილ თანამშრომლებს შორის არის Turkish Airlines-ის ხელმძღვანელის მოადგილე, რომელიც ფინანსური ოპერაციებისთვის არის პასუხისმგებელი.
თურქეთში მომხდარი სამხედრო გადატრიალების მცდელობის შემდეგ ქვეყნის მასშტაბით სამსახურიდან გაათავისუფლეს ან დააკავეს 60 ათასზე მეტი ადამიანი, უმრავლესობა საჯარო სექტორის თანამშრომელია.
