გერმანიაში “ოლიმპიაზე” თავდასხმაში მონაწილეობის ბრალდებით, 16 წლის ავღანელი დააკავეს. პოლიციის ვარაუდით, დაკავებულმა იცოდა 18 წლის ალი დევიდ სანბოლის გეგმების შესახებ, თუმცა სამართალდამცველებს არ შეატყობინა.
“არსებობს ეჭვი, რომ 16 წლის ახალგაზრდა შესაძლოა, თვდამსხმელის მდუმარე თანამზრახველი ყოფილიყო”, - ნათქვამია მიუნხენის პოლიციის განცხადებაში.
თავდასხმა სავაჭრო ცენტრზე 22 ივლისს განხორციელდა. შეიარაღებულმა პირმა ცეცხლი გახსნა და ცხრა ადამიანი მოკლა. თავდამსხმელის, 18 წლის ირანელი-გერმანელის, ალი დევიდ სონბოლის ცხედარი სპეცოპერაციის დროს შემთხვევის ადგილიდან ერთ კილომეტრში იპოვეს. მან თავი მოიკლა.
