საქართველოში აშშ-ის ელჩი იან კელი წინასაარჩევნო კამპანიას დადებითად აფასებს და აცხადებს, რომ კამპანია არის ძალიან ცივილური,
„მე ვიტყოდი, რომ ეს არის ძალიან კარგი კამპანია, გარემო არის ძალიან ცივილური, მიუხედავად იმისა, რომ კამპანია დიდი ხანია დაწყებული არ არის. მოუთმენლად ველოდებით მის გაგრძელებას“, - აღნიშნა იან კელიმ.
ელჩმა ხაზი გაუსვა თავისუფალი არჩევნების ჩატარების მნიშვნელობა და ,,რუსთავი 2 “ - თან დაკავშირებითაც ისაუბრა.
"თქვენ კარგად იცით, როგორია ამერიკის შეერთებული შტატების პოზიცია. ჩვენ გვინდა, რომ არჩევნები კარგად ჩატარდეს. გვინდა, რომ მისი შედეგები იყოს ლეგიტიმურად დანახული, რომელიც ხალხის ნებას გამოხატავს. სწორედ ამ გზით გაძლიერდება ქართული დემოკრატია. ნებისმიერი თავისუფალი არჩევნების მნიშვნელოვანი ელემენტი, რა თქმა უნდა, არის პოლიტიკური პარტიებისა და პოლიტიკური ფიგურების წვდომა მედიასთან. ამიტომ, მომხრე ვართ, რომ რუსთავი 2 დარჩეს ეთერში დღევანდელ მენეჯმენტთან ერთად. არ გვინდა ვნახოთ მომდევნო ორთვე ნახევარში ისეთი მოვლენების განვითარება, რომელიც ზიანს მიაყენებს ამ არჩევნებს. სარედაქციო მენეჯმენტისა და მფლობელების შეცვლა ასეთ მგრძნობიარე პერიოდში, ძალიან უარყოფითი რამ იქნება,"- განაცხადა იან კელიმ.
