,,ნაციონალური მოძრაობის“ ერთ-ერთი ლიდერი გიგა ბოკერია ,,ქართული ოცნების“ მიერ იმერეთში წარდგენილი მაჟორიტარი დეპუტატობის კანდიდატებს წარსულში კორუმპირებულ და ორგანიზებულ დანაშაულთან დაკავშირებული პირებს უწოდებს.
,,ბიძინა ივანიშვილია საერთო სახე იმ ხელისუფლების, რომელზეც ჩვენ ვსაუბრობთ და მათი მოღვაწეობის სახეა ის ეკონომიკური კრიზისი, ის გაღარიბება, ის ვარდნა, ის სამუშაო ადგილების დაკარგვა, რაც ჩვენ ვნახეთ ოთხი წლის განმავლობაში და სრული უპერსპექტივობის განცდა, ქვეყნის უფსკრულის პირას მიყვანა. მაგრამ თუკი დამატებითი ელფერი გვინდა ამისთვის, ივანიშვილის სახისთვის, ივანიშვილის დამატებითი სახეა შევარდნაძის დროინდელი, კორუმპირებული და ორგანიზებულ დანაშაულთან დაკავშირებული პირების წარმოდგენა. ეს არის საუკეთესო განსახიერება იმისა, რა საფრთხე უქმნის ივანიშვილი, როცა მისი ერთ-ერთი მარიონეტი კვირიკაშვილი საუბრობს იმაზე, რომ ნარჩემაშვილი და მიქელაძე არიან საქართველოს მომავალი, ეს ჩვენ გვახსენებს რამდენად აუცილებელია, ოქტომბერში ივანიშვილის რეჟიმის დასრულება, რომ ღმერთმა დაგვიფაროს ასეთი "მომავლისგან". - განაცხადა გიგა ბოკერიამ.
