ოფიციალურ ანკარას შეერთებული შტატებისთვის ფატულა გიულენის ექსტრადიციის მოთხოვნა არ გაუგზავნია. ამის შესახებ თეთრი სახლის პრეს მდივანმა გამართულ პრეს კონფერენციზე განაცხადა.
ჯოშ ერნესტის განმარტებით, თუ თურქეთი მოთხოვნას გააგზავნის, ის განიხილება ექსტრადიციის შესახებ ორ ქვეყანას შორის 30 წლის წინ გაფორმებული შეთანხმების საფუძველზე.
“ამ ეტაპზე ბატონი გიულენის ექსტრადიციასთან დაკავშირებით არანაირი ოფიციალური მოთხოვნა არ მიგვიღია. თუ მას მივიღებთ, მაშინ მოხდება შეფასება ექსტრადიციის ხელშეკრულების საფუძველზე, რომელსაც შეერთებულმა შტატებმა და თურქეთმა 30 წლის წინ მოაწერეს ხელი. აქ ორი ფაქტორი იქნება გასათვალისწინებელი - მოთხოვნა შეესაბამება თუ არა იმ დანაშალებებს, რაც ხელშეკრულებით არის გათვალისწინებული და თუ პასუხობს მტკიცებულებები შეთანხმებით დაწესებულ სტანდარტებს,“ - განაცხადა ,,რუსთავი 2“ -ის ინფორმაციით, თეთრი სახლის პრეს მდივანმა.
